Rrethrrotullimi i Rrogozhinës është bllokuar tashmë nga protestuesit demokratë, të cilët kanë paralajmëruar se do të bllokojnë për 3 orë rrethrrotullimet kryesore në të gjithë vendin.
Mësohet se kanë nisur debatet dhe përplasjet mes drejtuesve të mjeteve dhe protestuesve të opozitës, pasi nuk lejojnë makinat të kalojnë.
“Hapni rrugën, jam për spital”, i drejtohet me tone të larta një shofer protestuesve.
Përplasje ka pasur gjithashtu mes protestuesve dhe drejtuesve të mjeteve në Elbasan.
“Protestoni, por çfarë faji kemi ne të qëndrojmë në rrugë. Unë vij nga puna. Duart si kam larë akoma”,thotë një nga drejtuesit e mjeteve.
Protestuesit: Edhe ti hall ke edhe ne hall kemi. Të lutem prit aty…
Qytetari: Unë vij nga puna
Protestuesit: Edhe unë nga puna vij.
Në rrethrrotullimin e Bradasheshit janë përfaqësueses nga degët e qarkut Korçë, Elbasan me deputetët Lefter Gështenja, Qani Xhafa, Edmond Spaho, Sorina Koti, Tomor Alizoti.
