Bashkimi Evropian ka miratuar 922 milionë euro për Shqipërinë, në kuadër të Planit të Rritjes për Ballkanin Perëndimor, që ka për qëllim përshpejtimin e integrimit të rajonit në BE.
Fondet përfshijnë kredi dhe grante që do të përdoren për realizimin e reformave kyçe që do t’i afrojnë vendet më shumë me BE-në. Komisionerja për zgjerim, Marta Kos, nxit Shqipërinë dhe Maqedoninë e Veriut të vazhdojnë me reformat për të përmirësuar jetën e qytetarëve dhe për të afruar më shumë vendet me Bashkimin Evropian.
Këto fonde do të tërhiqen gradualisht në varësi të projekteve dhe kushteve të realizuara, dhe do të mbikëqyren nga Banka Evropiane e Investimeve.
