Një aksident i rëndë me pasojë vdekje ka ndodhur mëngjesin e sotëm në bypassin Mbrostar – Levan në vendin e quajtur kryqëzimi i Pojanit. Mësohet se automjeti ka dalë nga rruga, ndërsa dyshohet se shkak është bërë shpejtësia dhe lagështia në rrugë.
Sipas policisë, shoferi i automjetit ka mbetur i plagosur ndërsa pasagjeri është gjendur i pajetë jashtë automjetit. I plagosuri është dërguar në spitalin rajonal Fier, për të marrë ndihmën mjekësore.
Në vendngjarje ndodhen forcat e policisë për të normalizuar trafikun e automjeteve dhe për të zbardhur rrethanat e aksidentit.
