Ish-presidenti Donald Trump është qëlluar me armë gjatë një mitingu në Pensilvani
Një ngjarje e rëndë ka ndodhur në Shtete e Bashkuara të Amerikës, ku ish-Presidenti Donald Trump, njëherësh kandidat për një mandat të dytë presidencial është qëlluar me armë gjatë një mitingu elektoral. Ngjarja e rëndë është shënuar në Pensilvani, ku Trump po mbante fjalimin e tij të radhës.
Gjatë fjalës së Trump, janë dëgjuar të shtëna me armë, teksa ish-presidenti është rrëzuar përdhe dhe është rrethuar nga forca të shumta sigurie.
Pas qëndrimit për rreth 1 minutë në tokë, Trump është ngritur në këmbë, ku teksa duket se është kapur nga plumbi në afërsi të veshit.
Ish-Presidenti Trump më pas i rrethuar nga forca të shumëta sigurie është larguar nga mitingu, teksa të gjithë ishin në panik. Ende nuk ka një informacion sesi është gjendja e ish-Presidentit.
